高雄二二八 Ko-hiông JĪ-JĪ-PAT - 台語繪本 - 作者簽名版本

高雄二二八 Ko-hiông JĪ-JĪ-PAT - 台語繪本 - 作者簽名版本 作者： 吳家銘 繪者： 李怡志 出版社：台語傳播企業有限公司 出版日期：2020/9 定價：450元 規格：精裝 / 66頁 / 25.7 x 18.2cm / 普通級 / 全彩印刷 / 初版 出版地：台灣 故事紹介 繪本起頭，作者描寫台灣人對中華民國ê期待kap失望，話頭一下換，講著台北發生查私薰ê意外，台灣人對政府粒積ê不滿隨就piak--出-來，衝突liam-mi湠到規台灣。高雄因為有駐軍，真緊就有武裝鎮壓。高雄有名有力ê人成立委員會希望kap軍方和平來解決，無疑軍方無愛參詳，顛倒派兵仔分做三路kâng鎮壓koh-khah忝，致使高雄市民死傷嚴重，愛河kap西子灣海口hia，hō͘血染做一phiàn紅紅紅。 二二八是台灣現代史--裡真要緊ê事件，轉型正義ê議題雖然kài嚴肅，soah是民主素養教育bē用得欠ê一塊。Chit十外年來，有講著白色恐怖議題ê囡仔冊市面chió-khoeh，內底mā有一寡有出台語版ê錄音，總--是，tī冊市強勢ê華文環境下底，直接用台語文字呈現，來講chit段歷史ê繪本無幾本。作者吳家銘描寫二二八事件內底高雄受鎮壓真傷重ê情形，用台語文重koh呈現，ná像koh-khah ē-tàng感受著hit-chūn緊張ê氣氛。 文字ê重koh呈現，本身就有tài想像文化ê積極意義。當初時二二八傷痕ê敗害，代先tī-leh政治環境hō͘束縛kah透底，sòa--來koh去影響著台灣人對家己語言、文化ê信心。Bē赴時ê轉型正義有濟濟欠缺，有真濟所在值得lán koh去究勘，久年受政治打壓ê本土語言就是一个例。用台語文字寫二二八ê故事，是對無公義ê政策做雙重ê反抗，hō͘讀者thang mé醒，uì語言ê角度重kā chit段歷史koh khioh來liū。 作者紹介 「ChhoeTaigi台語辭典／字詞資料庫」、「PhahTaigi台語輸入法」ê開發者。 台灣人ài知影家己ê文化歷史、高雄人ài了解打狗，是我bat代誌了後堅持ê價值觀，致使我注心讀台灣學，學台文、寫台文，台灣人請lín做伙來án-ne做。 作者ê話 Ē寫chit本畫本故事ê緣故講--起-來真簡單mā真悲哀，因為chín ê學生koh濟濟人對二二八事件完全無了解，甚至講是日本人拍台灣人，你就知影「支那」殖民政府ê思想教育偌成功，到taⁿ mā無改變偌濟。台灣人ài知影家己ê文化歷史、高雄人ài了解打狗，是我bat代誌了後堅持ê價值觀，致使我注心讀台灣學，學台文、寫台文，台灣人請lín做伙來án-ne做。Chit个故事kap一般kan-na去講受害者- -ê無仝，內底有寫兇手ê名，想beh提醒逐家，轉型正義上要緊- -ê 就是處理加害者kap後壁ê共犯結構。Ē特別用受害者ê語言寫chit个歷史，mā是我一直想beh hō͘逐家思考--ê，mài koh用加害者ê語言teh講lán家己ê歷史，che對hia-ê受難ê人來講，根本是一種侮辱，koh一擺kā in凌治。Beh使用白話字，mā是尊重、thn̂g湠lán家己ê文化歷史。轉型正義上要緊頭一層，就是語文ê轉型正義，使用lán家己ê母語語文，mài koh用殖民者ê語文，che是上簡單每一个人家己就做ē到ê代誌。自án-ne，台灣人chiah有可能chiâⁿ做「Tâi-oân-lâng」，ǹg望chit工趕緊來到。 ---------- 合作洽詢：歡迎私訊到「Tâi-gí Niau 台語貓」粉絲專頁