沙尘百货-仆街仔 手工针织地氈/地墊/地毯

沙塵百貨-仆街仔 手工針織地氈/地毯 * * 尺寸：680 mm x 680 mm 材質：棉混化纖，可水手洗 適用於室內 - 今時今日喺網絡上邊，好多母語係粵語嘅人已經慣咗將「仆街」打成「扑街」，唔使拗，正字係「仆街」。好似成語「前仆後繼」就解作打仗嗰陣前邊嘅人倒地，後邊嘅繼續向前衝。「仆」作動詞，係表示「人向前倒地」。喺介紹粵語俚語嘅資料裏頭，「仆街」除咗解作「跌倒喺街頭」外，重係廣東地道咒罵語，全句「仆街死」，意思即係「倒斃街頭」。華人習俗講究善終，橫屍路上，即係不得好死。而「扑」有敲打嘅意思，粵語俚語「扑嘢」就用呢個「扑」字（高階用法如「扑濕瑪莉」，詳情可參考電影《破壞之王》）。「扑街」與「倒斃街頭」實在差天共地，淨係會令人聯想到同條街做愛做嘅事，難聽啲講句就係「屌地」。 - 喺繁體中文系統裏頭，仆 puk7、僕 buk6、扑 bok1、撲 pok3呢四個字有唔同嘅解釋同用法。好多人喺使用普通話拼音拼寫粵語詞彙同簡繁轉換嗰陣，較容易將以上四個字混淆。但係約定俗成唔係積非成是嘅理由，保育粵語唔係慶祝生日年年得一日。其實，我真係唔知七月廿五日係粵語日，所以，請各位仆街仔唔好再屌地啦唔该。