硬幣改造吊墜 (女皇頭花冠)

**[ 尺寸 ]** 直徑 : 28毫米 厚度 : 1.9毫米 重量 : 8.41克 用料 : 紅銅鎳合金 **[ 產地/ 香港 ]** 製造方式/全手工製作 吊墜 (不包銀鏈) **[ 產品故事 ]** 我諗唔明 今日講一個戇居的故事 我由細到大都冇目標 身邊朋友做乜我就跟住做 讀書揀科到出黎做嘢 一直隨波逐流 我討厭讀書 從來冇專心上過堂 我記得畢業嗰年就sars嗰年 周圍都揾唔到嘢做 又唔想再讀書 幾個fd一齊傾不如做電喇 起碼屋企有嘢壞都識得整 入行做超齡學徒 一做做左16年 仲讀左10年夜校 我諗唔明 直到有日幫媽咪執屋 見到佢有一個女皇頭coin art 竟然係老豆親手整 老豆表面係一個運輸佬 相處過其實鐵漢柔情 但點都諗唔到佢會做到coin art 同我今日一樣 我諗唔明 有一件事我好深刻 岩岩學師 車羅刨磨電石火花 我最憎鋸嘢 做學徒有一堂 任務好簡單 將一條圓形 午餐肉咁厚的鐵 用手鋸開4舊 4刀鋸完可以放學 8個鐘頭俾大家鋸 聽落勁簡單 最後我要請槍先可以放學 我當時見到有個同學仔好鐘意鋸嘢 完全諗唔明 我當時極討厭鋸嘢 依家做到鋸不離手 我諗唔明 直到今年 公司叫我打一枝我諗唔明的針 我冇再諗喇 收拾細軟 帶住我的鋸 去一個叫宇宙的地方 做我想做的事 朋友擔心我 同事勸我 屋企人幫我驚 老豆笑我手作仔 最後同米米傾完 我：「我咁做你驚唔驚ar?」 米：「驚咩ar?」 我：「可能冇飯開架！」 米：「我煮麵你食囉！！」 雖然講笑咁講 但我當真架喇 同年六月 Workshop成立 最後發現 我曾經最討厭的事 用各種形式 變成我的助力 我唔知呢條路可以行幾耐 但我希望可以做到做唔到為止 多謝大家睇完 呢個就係我20幾年前第一個見到的女皇頭