沙塵百貨-夠薑 吹雞 復古奶玻璃杯

沙塵百貨-夠薑·吹雞 復古奶玻璃杯 * * 材質：玻璃 容量：230ml 隨杯附送咖啡渣環保紙杯墊及相關主題貼紙 - 注意事項： ·本產品顏色可能會有輕微色彩不均，屬玻璃材料特性 ·本產品烤花圖案為人手製作，輕微錯位屬手藝痕跡 ·使用本產品前，請先撕掉杯內邊緣的品牌貼紙 ·請勿在急劇溫差的情況下使用本產品 ·請勿使用烤箱或微波爐加熱，否則會導致本產品爆裂 ·請勿使用洗碗機，建議使用海綿在冷水下清洗本產品 ·請勿用力碰撞，否則可能損壞本產品 - 眾所週知，港產黑社會電影裏頭梗會有類似嘅場景，嚟自兩個字頭嘅古惑仔互相睇唔順超起衝突，初則口角，繼而萌生動武念頭嘅一刻，喺又要威又要帶頭盔嘅淆底心態下，係會衝口而出一句經典對白「你夠薑就吹雞！」若然真係吹雞，雙方曬馬，拳頭交就止啊？一番刀光劍影手甩腳甩都走唔甩。所以呢句嘢好大可能只係得個噏字，因為真係冇guts/唔夠膽亦都費事無啦啦打餐懵，純粹係諗住拋窒對家。 - 但又眾所週知，沙塵百貨借用呢句「夠薑·吹雞」係因為「吹雞」可以唔係古惑仔嘅專利，正如集結都唔一定就係去犯事。唔講究疊馬，因為戰場從來都喺腦海入邊。撇開自以為是嘅幽默，我哋想表達嘅係，沙塵百貨好比一滴水，何其渺小，但係透過創作引發迴響就好似投向水面泛起漣漪，唔泛起漣漪，就冇辦法窺探粵語文化嘅海洋到底有幾大，呢個過程就好似「吹雞」噉。「吹雞」實質係「吹犄」，「犄」者獸之角，後來嘅人唔吹號角改吹哨，「雞」就係指「哨子」。而「集結、召集」嘅意思依然存在喺粵俚語語境入邊。 - 圖案入面另一個粵俚語詞彙係「夠薑」，薑係辣嘅代表，夠狠夠辣被稱為夠薑，即夠膽。用粵語創作呢件事，靠一個人單打獨鬥固然夠薑，但係吸引到更加多志同道合嘅本地薑，拂大嚟搞，既競爭又可能撞橋有衝突，反正互相碰撞出嚟嘅靈感同結晶應該更加犀利！ - 揀燈膽做主角，皆因我哋深知創作嗰陣一旦靈感枯竭，腦汁絞盡之窘境猶如1995年白蘭氏雞精嘅粵語電視廣告裏頭，嗰隻苦面嘅燈膽。燈膽歷來有著代表靈感或者有計仔嘅象徵意義。靈感枯竭，連燈膽都搲爆頭，不妨試下吹雞，未嘗唔係一個好辦法。